स्वास्थ्यकर्मीले बाटे मास्क, सेनिटाइजर र हाथे पंजा : सपतरी

जानकी पोस्ट ,६ असार, राजविराज ।

कोरोना भाइरस रोकथाम तथा नियन्त्रणका लागी एक स्वास्थ्यकर्मीले मास्क, सेनिटाइजर र हाथे पंजा सप्तरीको तिलाठी कोइलाडी गाउँपालिका वडा नम्बर २ का कार्यालयमा उपलब्ध गराइएको छ । स्वास्थ्यकर्मी ओम प्रकाश मण्डल र उनकी पत्नी नर्स अस्मीता मण्डलले शुक्रवार उक्त समानहरु आफना गाउँमा वितरण गर्नका लागी उपलब्ध गराइएको हो ।

उनी दुवै जना भरतपुर मेडिकल कलेज शिक्षण अस्पताल चितवनमा अहिले कार्यरत रहेका छन् । एल आइ सी नेपालको डेभलपमेन्ट अफिसर समेत रहेका मण्डलले विगतका समयमा पनि विभिन्न सामाजिककार्यहरुमा सहयोग गर्दै आएको छ ।

आफनो वुवा स्व. हरी शरण मण्डलको सम्झनामा जन्म स्थल लौनियाँवासिलाई केही साम्रगीहरु सहयोग गर्न पाएकोमा खुसीयालीको अनुभुती भइरहेको स्वास्थ्यकर्मी ओम प्रकाश मण्डलले बताए । विश्वव्यापी महामारीको रुपमा फैलिएको कोरोना भाइरसको संंक्रमणबाट जोगिनकालागी ४ हजार थान मास्क, १० ओटा ह्याण्ड सेनिटाइजर र २ पोकेट हाते पन्जा वडामा दिइएको स्वास्थ्यकर्मी मण्डलले जानकारी दिए ।

आफनो समुदायमा सहयोग गरिएको कार्यलाई सोही गाउँपालिकाका वडा नम्बर २ का अध्यक्ष खगेन्द्र मण्डल र जनप्रतिनिधिहरुले समेत प्रशंसा गरेका थिए । यस वडामा दोश्रो चरणमा मास्क वितरण गरिने कार्य आजदेखि नै प्रत्येक परिवारमा पुर्‍याउने अध्यक्ष मण्डलले बताए । यस अघि वडा कार्यालयबाट मास्क वितरण गरिएको उनले जानकारी दिइएको छ ।