जनमत पार्टीद्वारा सिरहामा सिटि जुलुस

सिरहा : जनमत पार्टीले निर्धारण गरिएको बमोजिम सिरहामा सिटी जुलुस सम्पन्न गरिएको छ ।

सिरहा स्थित रहेको पार्टी कार्यालयबाट निकालिको र्‍याली बजारको विभिन्न ठाउँ परिक्रमा गर्दै इमली चौक स्थित जिल्ला अदालत अगाडी कोण सभामा परिणत गरिएको थियो । कोण सभामा जनमत पार्टीका विभिन्न सदस्यहरुले आफ्नो मन्तब्य राखेको थियो। जनमत विद्यार्थी संघ सिरहाको अध्य्क्ष अरविन्द सहनी, जनमत पार्टी सिराहाका सचिब विजय कुमार साह लगायतका अन्य सदस्यहरुले समेत आ-आफ्नो मन्तब्य राखेको थियो।

पार्टीको केन्द्रीय कार्यकारिणी समितिको बैठकले घोषणा गरेको साताव्यापी आन्दोलनका कार्यक्रम अन्तर्गत आज (सोमवार) सिटी जुलुस आयोजना गरिएको पार्टीका जिल्ला सचिव विजय कुमार साहले जानकारी दिए ।

बीहीबार जनमत पार्टीका कार्यकताहरूले संघीय खानेपानी तथा ढल व्यवस्थापन आयोजना जनकपुर कार्यालयका निमित प्रमुख राजेश कुशवाहालाई अर्धनग्न पारेर, कुटपिट तथा हिलो छ्यापेर नगर परिक्रमा गराएको भन्दै प्रहरीले १७ जनाविरुद्ध मुद्दा चलाएका छन् ।

सोही नेता तथा कार्यकर्ताहरुलाई अविलम्ब तथा निःशर्त रिहाईगर्न वक्ताहरुले जोड दिए । भ्रष्टाचारको आरोप लगाउदै भ्रष्टाचारीहरु राजिनामा दे, जनता राज- जिन्दाबाद, हाम्रो माग -पूरा गर लगायतका नाराहरुसमेत लगाएका थिए ।

यता भ्रष्टाचारको विरुद्धमा आवाज उठाएका आफ्ना नेता तथा कार्यकर्ताहरुलाई विहिवार जिल्ला प्रहरी कार्यालय धनुषा स्थित प्रहरीले १७ जना कार्यकर्तामाथि झुठ्ठा मुदा गरि नियन्त्रणमा राखिएको पार्टीले जारी गरिएको विज्ञप्तिमा उल्लेख छ । जिल्लाबाट विभिन्न स्थानिय तहबाट आएका ५ सय भन्दा बढी नेता, कार्यकर्ताहरुको सिटी जुलुसमा सहभागीता रहेको जनमत पार्टी सिरहाले जनाएको छ ।

भोली (मंगलवार) पालीकामा माइकिंङसहित बाइक र्‍याली गर्ने कार्यक्रम रहेको सचिव साहले जानकारी दिए ।